ישראל בחירי אל / ר' יהודה הלוי

יִשְׂרָאֵל בְּחִירֵי אֵל עֲבָדֶיךָ וְעֵדֶיךָ
בְּשִׂיחָתָם וּמִלָּתָם מְהַלְלִים שֵׁם כְּבוֹדֶךָ
מִתְאַוִּים וּמְחַוִּים תְּהִלָּתְךָ וְהוֹדֶךָ
גָּדַלְתָּ מְּאֹד אַתָּה הוּא ה' לְבַדֶּךָ

הֵיךְ יוּכָל אֱנוֹשׁ סָכָל לְחַוּוֹת אֶת הֲדָרֶךָ
וְנִפְלֵאתָ וְנַעֲלֵיתָ וְעַיִן לֹא תְשׁוּרֶךָ
וּשְׂרָפִים מַקִּיפִים אֶת כִּסֵּא יְקָרֶךָ
וּבִגְבוּרָה וְתִפְאָרָה תְּכַלְכֵּל אֶת יְצוּרֶיךָ
לְךָ הַכֹּל וְעֵינֵי כֹל מְיַחֲלוֹת רֹב חֲסָדֶיךָ

וְאִם אָנִי אֱנוֹשׁ עָנִי וְנִבְזֶה וּשְׁפַל רוּחַ
בְּלִי חָכְמָה וְאֵין עָצְמָה וְאֵין אוֹנִים וְאֵין כֹּחַ
חֲדַל יֹשֶׁר מְעַט כֹּשֶׁר אֲבָל נִסְמָךְ וּבָטוּחַ
לְהוֹדוֹת לָךְ כְּרֹב גָּדְלָךְ רְצֵה שִׂיחִי כְּנִיחוֹחַ
אֵל אֶחָד בְּלִי כַחַד אֲבָרֵךְ שֵׁם כְּבוֹדֶךָ

דְּרָכֶיךָ וְחֻקֶּיךָ הֲבִינֵנִי וְחָנֵּנִי
וְחֹן נִכְסָף כְּדַל עַל סַף לְךָ יִקְרָא צוּר פְּדֵנִי
רְעֵה אוֹתִי עֲדֵי מוֹתִי וּמֵאַשְׁפּוֹת הֲרִימֵנִי
זְכֹר אַהְבָה מְאֹד רַבָּה אֲשֶׁר מֵאָז אֲהַבְתָּנִי
וְהֵטִיבָה וְהָשִׁיבָה לְצִיּוֹן נִין עֲבָדֶיךָ

הֲדָפוּנִי הֲלָמוּנִי בְּנֵי עֵשָׂו וְיִשְׁמָעֵאל
זֶה טוֹרֵף וְזֶה מְחָרֵף וְזֶה מוֹאֵס וְזֶה גוֹעֵל
הַשְׁפִּילֵם וְהַפִּילֵם כְּמוֹ סִיסְרָא בְּיַד יָעֵל
וְהָשֵׁב אֵל אֶל אֲרִיאֵל מְגֹרָשָׁה וְתִבָּעֵל
וְעָזְרֵנִי וְשִׂימֵנִי לְרֹאשׁ גּוֹיִם בְּחַסְדֶּךָ

ישראל בחירי אל

ישראל בחירי אל / ר' יהודה הלוי

יִשְׂרָאֵל בְּחִירֵי אֵל עֲבָדֶיךָ וְעֵדֶיךָ
בְּשִׂיחָתָם וּמִלָּתָם מְהַלְלִים שֵׁם כְּבוֹדֶךָ
מִתְאַוִּים וּמְחַוִּים תְּהִלָּתְךָ וְהוֹדֶךָ
גָּדַלְתָּ מְּאֹד אַתָּה הוּא ה' לְבַדֶּךָ

הֵיךְ יוּכָל אֱנוֹשׁ סָכָל לְחַוּוֹת אֶת הֲדָרֶךָ
וְנִפְלֵאתָ וְנַעֲלֵיתָ וְעַיִן לֹא תְשׁוּרֶךָ
וּשְׂרָפִים מַקִּיפִים אֶת כִּסֵּא יְקָרֶךָ
וּבִגְבוּרָה וְתִפְאָרָה תְּכַלְכֵּל אֶת יְצוּרֶיךָ
לְךָ הַכֹּל וְעֵינֵי כֹל מְיַחֲלוֹת רֹב חֲסָדֶיךָ

וְאִם אָנִי אֱנוֹשׁ עָנִי וְנִבְזֶה וּשְׁפַל רוּחַ
בְּלִי חָכְמָה וְאֵין עָצְמָה וְאֵין אוֹנִים וְאֵין כֹּחַ
חֲדַל יֹשֶׁר מְעַט כֹּשֶׁר אֲבָל נִסְמָךְ וּבָטוּחַ
לְהוֹדוֹת לָךְ כְּרֹב גָּדְלָךְ רְצֵה שִׂיחִי כְּנִיחוֹחַ
אֵל אֶחָד בְּלִי כַחַד אֲבָרֵךְ שֵׁם כְּבוֹדֶךָ

דְּרָכֶיךָ וְחֻקֶּיךָ הֲבִינֵנִי וְחָנֵּנִי
וְחֹן נִכְסָף כְּדַל עַל סַף לְךָ יִקְרָא צוּר פְּדֵנִי
רְעֵה אוֹתִי עֲדֵי מוֹתִי וּמֵאַשְׁפּוֹת הֲרִימֵנִי
זְכֹר אַהְבָה מְאֹד רַבָּה אֲשֶׁר מֵאָז אֲהַבְתָּנִי
וְהֵטִיבָה וְהָשִׁיבָה לְצִיּוֹן נִין עֲבָדֶיךָ

הֲדָפוּנִי הֲלָמוּנִי בְּנֵי עֵשָׂו וְיִשְׁמָעֵאל
זֶה טוֹרֵף וְזֶה מְחָרֵף וְזֶה מוֹאֵס וְזֶה גוֹעֵל
הַשְׁפִּילֵם וְהַפִּילֵם כְּמוֹ סִיסְרָא בְּיַד יָעֵל
וְהָשֵׁב אֵל אֶל אֲרִיאֵל מְגֹרָשָׁה וְתִבָּעֵל
וְעָזְרֵנִי וְשִׂימֵנִי לְרֹאשׁ גּוֹיִם בְּחַסְדֶּךָ

פרטים נוספים

חומרים נוספים קשורים