ארוממך חזקי וחלקי / ר' שלמה אבן גבירול

אֲרוֹמִמְךָ חִזְקִי וְחֶלְקִי בְּבוֹאִי בְּרֹב דָּבְקִי וְדָפְקִי
גַּם בְּשָׁפְכִי זַעֲקִי וְצַעֲקִי בְּקָרְאִי עֲנֵנִי אֱלֹהֵי צִדְקִי

דְּרַשְׁתִּיךָ בְּשִׁמְשִׁי וְאַמְשִׁי הַאֲזִינָה לַחְשִׁי וְרַחְשִׁי
וְהַעֲבֶר נָא יָקְשִׁי וּמוֹקְשִׁי שׁוּבָה ה' חַלְּצָה נַפְשִׁי

זְרֵה נָא עֲוֹן אָרְבִי וְעָקְבִי חֲבוֹשׁ מַחַץ עָלְבִי וְעָצְבִי
טַהֵר סְגוֹר לִבִּי וְחֻבִּי וְרוּחַ נָכוֹן חַדֵּשׁ בְּקִרְבִּי

יוֹם עָמְדִי בְּאַלְפִּי וְטַפִּי כְּבוֹשׁ יָהּ קְשִׁי עָרְפִּי וְאַכְפִּי
לְךָ אֶפְרֹשׂ כַּפִּי וְאַפִּי וְשִׂפְתֵי רְנָנוֹת יְהַלֶּל פִּי

מִיּוֹם שְׁחוֹת בִּרְכִּי בְּפִרְכִּי נִשְׁבַּת תָּמִיד עֶרְכִּי וְנִסְכִּי
שִׂבַּרְתִּי בְּחֶלְכִּי לְמַלְכִּי ה' אֱלֹהַי יַגִּיהַּ חָשְׁכִּי

עָגַמְתִּי בְלַחֲצִי וּמַחֲצִי פָּרוּךְ בְּיַד חוֹרְצִי וְקוֹרְצִי
צִפִּיתִי לְאוֹמְצִי וְעוֹלְצִי כִּי הוּא יוֹצִיא

קֻצַּץ חוּט שְׁבִיסִי וְצִיצִי רָחַק עֲסִיסִי וְדַם רְסִיסִי
שָׁבַת מְגִיסִי וְסָר בְּסִיסִי אָמַרְתִּי אַתָּה מַחְסִי

תַּתִּי שְׂפַת לִקְחִי כְּרִקְחִי שַׁתִּי עֲרֹךְ שִׁבְחִי כְּזִבְחִי
שַׁדַּי שְׁעֵה שִׂיחִי כְּפִיחִי בְּיָדְךָ אַפְקִיד רוּחִי

לַמְּדֵנִי צוּר מְצוּדָתִי מִצְוַת עֲבוֹדָתִי וְדָתִי
הָבֵן תְּעוּדָתִי עֲדָתִי אֲדֹנָי נֶגְדְּךָ כָל תַּאֲוָתִי

גֵּאֶה תְּמוֹךְ רַגְלִי וְדִגְלִי בְּצַלְעִי סְמֹךְ כִּשְׁלִי וְחֶשְׁלִי
יָהּ קוֹמֵם נִפְלִי וְשִׁפְלִי סַלְעִי וּמְצוּדָתִי וּמְפַלְּטִי לִי

רוֹמֵם בְּהוֹד סְעִיפִי סְחִיפִי וְהָשֵׁב לְרֹאשׁ מְנִיפִי צְנִיפִי
לְעֵת עֲרֹךְ צִפְצוּפִי כְּצוּפִי יִהְיוּ לְרָצוֹן אִמְרֵי פִי

ארוממך חזקי וחלקי

ארוממך חזקי וחלקי / ר' שלמה אבן גבירול

אֲרוֹמִמְךָ חִזְקִי וְחֶלְקִי בְּבוֹאִי בְּרֹב דָּבְקִי וְדָפְקִי
גַּם בְּשָׁפְכִי זַעֲקִי וְצַעֲקִי בְּקָרְאִי עֲנֵנִי אֱלֹהֵי צִדְקִי

דְּרַשְׁתִּיךָ בְּשִׁמְשִׁי וְאַמְשִׁי הַאֲזִינָה לַחְשִׁי וְרַחְשִׁי
וְהַעֲבֶר נָא יָקְשִׁי וּמוֹקְשִׁי שׁוּבָה ה' חַלְּצָה נַפְשִׁי

זְרֵה נָא עֲוֹן אָרְבִי וְעָקְבִי חֲבוֹשׁ מַחַץ עָלְבִי וְעָצְבִי
טַהֵר סְגוֹר לִבִּי וְחֻבִּי וְרוּחַ נָכוֹן חַדֵּשׁ בְּקִרְבִּי

יוֹם עָמְדִי בְּאַלְפִּי וְטַפִּי כְּבוֹשׁ יָהּ קְשִׁי עָרְפִּי וְאַכְפִּי
לְךָ אֶפְרֹשׂ כַּפִּי וְאַפִּי וְשִׂפְתֵי רְנָנוֹת יְהַלֶּל פִּי

מִיּוֹם שְׁחוֹת בִּרְכִּי בְּפִרְכִּי נִשְׁבַּת תָּמִיד עֶרְכִּי וְנִסְכִּי
שִׂבַּרְתִּי בְּחֶלְכִּי לְמַלְכִּי ה' אֱלֹהַי יַגִּיהַּ חָשְׁכִּי

עָגַמְתִּי בְלַחֲצִי וּמַחֲצִי פָּרוּךְ בְּיַד חוֹרְצִי וְקוֹרְצִי
צִפִּיתִי לְאוֹמְצִי וְעוֹלְצִי כִּי הוּא יוֹצִיא

קֻצַּץ חוּט שְׁבִיסִי וְצִיצִי רָחַק עֲסִיסִי וְדַם רְסִיסִי
שָׁבַת מְגִיסִי וְסָר בְּסִיסִי אָמַרְתִּי אַתָּה מַחְסִי

תַּתִּי שְׂפַת לִקְחִי כְּרִקְחִי שַׁתִּי עֲרֹךְ שִׁבְחִי כְּזִבְחִי
שַׁדַּי שְׁעֵה שִׂיחִי כְּפִיחִי בְּיָדְךָ אַפְקִיד רוּחִי

לַמְּדֵנִי צוּר מְצוּדָתִי מִצְוַת עֲבוֹדָתִי וְדָתִי
הָבֵן תְּעוּדָתִי עֲדָתִי אֲדֹנָי נֶגְדְּךָ כָל תַּאֲוָתִי

גֵּאֶה תְּמוֹךְ רַגְלִי וְדִגְלִי בְּצַלְעִי סְמֹךְ כִּשְׁלִי וְחֶשְׁלִי
יָהּ קוֹמֵם נִפְלִי וְשִׁפְלִי סַלְעִי וּמְצוּדָתִי וּמְפַלְּטִי לִי

רוֹמֵם בְּהוֹד סְעִיפִי סְחִיפִי וְהָשֵׁב לְרֹאשׁ מְנִיפִי צְנִיפִי
לְעֵת עֲרֹךְ צִפְצוּפִי כְּצוּפִי יִהְיוּ לְרָצוֹן אִמְרֵי פִי

פרטים נוספים

חומרים נוספים קשורים