אלהים אלי אתה / ר' שלמה אבן-גבירול


אֱלֹהִים אֵלִי אַתָּה אֲשַׁחֲרֶךָּ בְּסוֹד סְגֻלָּתֶךָ
אֱמוּנָתְךָ אוֹדִיעַ וְאַגִּיד גְּדֻלָּתֶךָ
בְּקָרְאִי עֲנֵנִי יוֹם אָקוּם בְּקֶרֶב קְהִלָּתֶךָ
ה' שְׂפָתַי תִּפְתָּח וּפִי יַגִּיד תְּהִלָּתֶךָ

אֱלֹהִים אֵלִי אַתָּה נֶגְדְּךָ עֲלוּמַי נֶחֱשָׂפוּ
נַפְשִׁי וְעַצְמוֹתַי מִפַּחְדְּךָ שֻׁסָּפוּ
בְּקָרְאִי עֲנֵנִי יוֹם נְבוּכִים לְיִשְׁעֲךָ נִכְסָפוּ
נְדִיבֵי עַמִּים נֶאֱסָפוּ

אֱלֹהִים אֵלִי אַתָּה יוֹעֵט צְדָקָה לִלְבֹּשׁ
יְרֵאֶיךָ הִרְשׁוּנִי וְאָרוּץ וְאֵין בּוֹשׁ
בְּקָרְאִי עֲנֵנִי יוֹם יוֹקְשִׁי תִּכְבֹּשׁ וְעָצְבִּי תַּחֲבֹשׁ
יְהִי לִבִּי תָמִים בְּחֻקֶּיךָ לְמַעַן לֹא אֵבוֹשׁ

אֱלֹהִים אֵלִי אַתָּה שְׁמֹר שַׂרְעַפַּי לְבַל יַזְנִיחוּנִי
שְׁגִיאוֹת שְׂפָתַי בַּל יַדִּיחוּנִי
בְּקָרְאִי עֲנֵנִי יוֹם שְׁבָחֶיךָ עָצְבִּי יְשַׁכְּחוּנִי
שְׁלַח אוֹרְךָ וַאֲמִתְּךָ הֵמָּה יַנְחוּנִי

אֱלֹהִים אֵלִי אַתָּה לְךָ אֲצַפֶּה צוּר מִשְׂגַּבִּי
לְאַמְּצֵנִי וּלְחַזְקֵנִי כִּי אֵין כֹּחַ בּי
בְּקָרְאִי עֲנֵנִי יוֹם לְבָרֵר וְלִצְרֹף חוֹבִי
לֵב טָהוֹר בְּרָא לִּי אֱלֹהִים וְרוּחַ נָכוֹן חַדֵּשׁ בְּקִרְבִּי

אֱלֹהִים אֵלִי אַתָּה מָרוֹם הַשּׁוֹכְנִי גְבוֹהִים
מִמַּעֲמַקִּים אֶקְרָא נֶגְדְּךָ וְאָהִים
בְּקָרְאִי עֲנֵנִי יוֹם מִלַּלְתִּי בְּסוֹד כְּמֵהִים
מִי יוֹדֵעַ יָשׁוּב וְנִחַם הָאֱלֹהִים

אֱלֹהִים אֵלִי אַתָּה הִנְנִי לְפָנֶיךָ בַּאֲשָׁמִי
הָעֲוֹנוֹת אִם תִּשְׁמָר יָהּ ה' מִי יַעֲמֹד מִי
בְּקָרְאִי עֲנֵנִי יוֹם הַזֶּה אַל תָּבֹא בְמִשְׁפָּט עִמִּי
הֵן בְּעָוֹן חוֹלָלְתִּי וּבְחֵטְא יֶחֱמַתְנִי אִמִּי

אֱלֹהִים אֵלִי אַתָּה הִקְדַּמְתָּ מָזוֹר לְיַשֵּׁרִנִי
הֱכִינֹתָ יוֹם כֹּפֶר רָצוֹן בּוֹ לְעַטְּרֵנִי
בְּקָרְאִי עֲנֵנִי יוֹם הִנָּתֵק עֲבוֹת עָוֹן יַאַסְרֵנִי
הֶרֶב כַּבְּסֵנִי מֵעֲוֹנִי וּמֵחַטָּאתִי טַהֲרֵנִי

אֱלֹהִים אֵלִי אַתָּה קִרְבָתְךָ יֶחְפָּצוּן רַעְיוֹנַי
קְדֹרַנִּית שׁחוֹתִי מִפְּנֵי זְדוֹנָי
בְּקָרְאִי עֲנֵנִי יוֹם קָרָאתָ לְגֶזַע אֱמוּנָי
קְחוּ עִמָּכֶם דְּבָרִים וְשׁוּבוּ אֶל ה'

אֱלֹהִים אֵלִי אַתָּה טִהֲרוּ לְבָבָם לְחוּקֶּיךָ
טַעַם וּמַשְׁקֶה חָשְׂכוּ חֲשׁוּקֶיךָ
בְּקָרְאִי עֲנֵנִי יוֹם טְכוֹס לְעַנּוֹת נֶפֶשׁ דְּבֵקֶיךָ
טוֹב לִי כִי עֻנֵּיתִי לְמַעַן אֶלְמַד חֻקֶּיךָ

אֱלֹהִים אֵלִי אַתָּה נָשָׂאנוּ נֶגְדְּךָ עַפְעַפַּיִם
נִכְחֲךָ נִצַּבְנוּ בִּשְׁחוּת אַפַּיִם
בְּקָרְאִי עֲנֵנִי יוֹם נִבְרַר שַׁקְרוּת סַרְעַפַּיִם
נִשָּׂא לְבָבֵנוּ אֶל כַּפַּיִם אֶל אֵל בַּשָּׁמַיִם

אֱלֹהִים אֵלִי אַתָּה בָּאתִי הַיּוֹם לַהְגּוֹת צִדְקֶךָ
בֵּאַרְתִּי חֻקֶּיךָ בְּקֶרֶב חֶלְקֶךָ
בְּקָרְאִי עֲנֵנִי יוֹם בִּשַּׂרְתִּי צֶדֶק בִּקְהַל דְּבֵקֶיךָ
בָּרוּךְ אַתָּה ה' לַמְּדֵנִי חֻקֶּיךָ

אֱלֹהִים אֵלִי אַתָּה רָם לְכָל שׁוֹאֵל נִדְרָשׁ
רְצֵנִי בְּהִתְעַטְּפִי כְעָנִי וָרָשׁ
בְּקָרְאִי עֲנֵנִי יוֹם רֶגֶשׁ דְּמָעַי נִגְרָשׁ
רָאִיתָה ה' אַל תֶּחֱרָשׁ

אֱלֹהִים אֵלִי אַתָּה בְּצִדְקָתְךָ עֲווֹנִי יִדָּחוּ
בְּמֵימֵי דְמָעַי פְּשָׁעַי יִמָּחוּ
בְּקָרְאִי עֲנֵנִי יוֹם בְּשׂוֹרוֹת יִשְׁעִי יִצְמָחוּ
בַּה' תִּתְהַלֵּל נַפְשִׁי יִשְׁמְעוּ עֲנָוִים וְיִשְׂמָחוּ

אֱלֹהִים אֵלִי אַתָּה יָגֹרְתִּי מְאֹד מֵחֲמַת מִגְעַרְתֶּךָ
יָדַעְתִּי כִּי חֶסֶד וֶאֱמֶת אִמְרָתֶךָ
בְּקָרְאִי עֲנֵנִי יוֹם יָזַמְתִּי לִשְׁמֹר מִשְׁמַרְתֶּךָ
יִמָּלֵא פִי תְּהִלָּתֶךָ כָּל הַיּוֹם תִּפְאַרְתֶּךָ

אֱלֹהִים אֵלִי אַתָּה יְחִידִי יְצוּרָיו יְעִידוּהוּ
יְבָרְכוּהוּ קְרָבַי וַעֲצָמַי יְהוֹדוּהוּ
בְּקָרְאִי עֲנֵנִי יוֹם יָדַעְתִּי יְחִידִים יְיַחֲדוּהוּ
יִרְאֵי ה' הַלְלוּהוּ כָּל זֶרַע יַעֲקֹב כַּבְּדוּהוּ

אֱלֹהִים אֵלִי אַתָּה הֲגוֹת צִדְקְךָ שְׂפָתַי פָּתַחְתִּי
הִנֵּה עִמִּי דְבָרִים לָקַחְתִּי
בְּקָרְאִי עֲנֵנִי יוֹם הִלַּלְתִּיךָ וְכַפַּי שִׁטַּחְתִּי
הַשְׁמִיעֵנִי בַבֹּקֶר חַסְדֶּךָ כִּי בְךָ בָטָחְתִּי

אֱלֹהִים אֵלִי אַתָּה וְעָדֶיךָ יִצְדְּקוּ עֵדֶיךָ
וְיַגִּידוּ כִּי אֶפֶס צוּר בִּלְעָדֶיךָ
בְּקָרְאִי עֲנֵנִי יוֹם וִעַדְתּוֹ לְטַהֵר יְדִידֶיךָ
וַאֲקַוֶּה שִׁמְךָ כִּי טוֹב נֶגֶד חֲסִידֶיךָ

אֱלֹהִים אֵלִי אַתָּה דָּרַשְׁתִּי קִרְבָתְךָ הַקְרִיבֵנִי
דְּלָתֶיךָ בְדָפְקִי חַסְדְּךָ יְסוֹבְבֵנִי
בְּקָרְאִי עֲנֵנִי יוֹם דַּלוֹתִי יֶשְׁעֲךָ יְשַׂגְּבֵנִי
דַּלּוּ עֵינַי לַמָּרוֹם ה' עָשְׁקָה לִּי עָרְבֵנִי

אֱלֹהִים אֵלִי אַתָּה הַנּוֹצֵר נֶפֶשׁ וּפֹועֲלָהּ
הַיּוֹדֵעַ וָעֵד מַעֲלָלָהּ וּמַעְגָּלָהּ
בְּקָרְאִי עֲנֵנִי יוֹם הִתְוַדּוֹת נַפְשִׁי מַעֲלָהּ
הֵן ה' יָדַעְתָּ כֻלָּה

אֱלֹהִים אֵלִי אַתָּה אֵלִי וְצוּר יְשׁוּעָתִי
אֵלֶיךָ קָרָאתִי מִבּוֹר כִּנְעָתִי
בְּקָרְאִי עֲנֵנִי יוֹם אֶשְׁפֹּךְ לְפָנֶיךָ לְבָבִי וְדִמְעָתִי
אַל תַּעְלֵם אָזְנְךָ לְרַוְחָתִי לְשַׁוְעָתִי

אֱלֹהִים אֵלִי אַתָּה בּוֹחֵן לְבָבִי וְרַעְיוֹנָי
בָּנְתָּה לְרֵעִי מִמְּרוֹם עֶלְיוֹנִי
בְּקָרְאִי עֲנֵנִי יוֹם בָּרוֹתִי חֲבוּיַת מַצְפּוּנָי
בְיָדְךָ אַפְקִיד רוּחִי פָּדִיתָה אוֹתִי ה'

אֱלֹהִים אֵלִי אַתָּה נִסְמַכְתִּי עָלֶיךָ עוֹדְדֵנִי
נִסְתַּרְתִּי בְצִלְּךָ הָגֵן בַּעֲדֵנִי
בְּקָרְאִי עֲנֵנִי יוֹם נִבְהָל זְכַרְתִּיךָ זָכְרֵנִי וּפָקְדֵנִי
נִדְבוֹת פִּי רְצֵה נָא ה' וּמִשְׁפָּטֶיךָ לַמְּדֵנִי

אֱלֹהִים אֵלִי אַתָּה גְּדוּדֶיךָ בַעֲצֶרֶת יֵשֵׁבוּ
גּוֹעִים כַּצֹּאן הַיּוֹם יִקָּשֵׁבוּ
בְּקָרְאִי עֲנֵנִי יוֹם גְּאוּלֶיךָ נְקִיִּים יֵחָשֵׁבוּ
גָּלְמִי רָאוּ עֵינֶיךָ וְעַל סִפְרְךָ כֻּלָּם יִכָּתֵבוּ

אֱלֹהִים אֵלִי אַתָּה בְּשָׁפְכִי שִׂיחִי עָלֶיךָ יֶעֱרָב
בְּעָרְכִי רִנָּתִי לְפָנֶיךָ תִקְרָב
בְּקָרְאִי עֲנֵנִי יוֹם בִּעַרְתִּי שְׁרִירוּת לֵב סֵרַב
בִּשַּׂרְתִּי צֶדֶק בְּקָהָל רָב

אֱלֹהִים אֵלִי אַתָּה יוֹדֵעַ מִסְתְּרֵי מְלִיצוּת
יְגוֹנִי הָסֵר וְהָמֵר בַּעֲלִיצוּת
בְּקָרְאִי עֲנֵנִי יוֹם יָגֹרְתִּי פְקֻדַּת הַלַּצוּת
יִרְאָה וָרַעַד יָבוֹא בִי וַתְּכַסֵּנִי פַּלָּצוּת

אֱלֹהִים אֵלִי אַתָּה רְפָא מְשׁוּבַת לֵב עָקֹב
רְאֵה עֶצֶם עָשֵׁש וְגַם נִרְקַב רָקוֹב
בְּקָרְאִי עֲנֵנִי יוֹם רַחַשׁ מְלִיצַי תִּקֹּב
רָצִיתָ ה' אַרְצֶךָ שַׁבְתָּ שְׁבוּת יַעֲקֹב

אֱלֹהִים אֵלִי אַתָּה וְעָלֶיךָ גַּלּוֹתִי אֳרָחָי
וְאֶעֱרֹךְ מַלְקוֹחַי תְּמוּרַת מֶרְקָחָי
בְּקָרְאִי עֲנֵנִי יוֹם וְאָבִיא שְׁבָחַי תַּחַת זְבָחָי
וְאַל תָּבוֹא בְמִשְׁפָּט אֶת עַבְדֶּךָ כִּי לֹא יִצְדַּק לְפָנֶיךָ כָל חָי

אֱלֹהִים אֵלִי אַתָּה לְבַשׁ הַיּוֹם צֶדֶק מַעֲטֶךָ
לִרְעוֹת שְׁאֵרִית שְׁבָטֶיךָ בְּשִׁבְטֶךָ
בְּקָרְאִי עֲנֵנִי יוֹם לְהַפְגִּיעָם צִדְקְךָ וְקָשְׁטֶךָ
לְמַעַן תִּצְדַּק בְּדָבְרֶךָ תִּזְכֶּה בְשָׁפְטֶךָ

אֱלֹהִים אֵלִי אַתָּה חַנּוּן הַנֶּעֱרָץ בְּסוֹד שַׂרְפֵי מְעוֹנָי
זָכְרֵנִי וּפָקְדֵנִי לְטוֹבָה בְּהִתְחַנְּנִי בְהֶגְיוֹנָי
בְּקָרְאִי עֲנֵנִי יוֹם קְרוֹא אֶקְרָא בְּמִקְהֲלוֹת אֱמוּנָי
נִשְׁמַת כָּל חַי תְּבָרֵךְ אֶת שִׁמְךָ ה'



אלהים אלי אתה

אלהים אלי אתה / ר' שלמה אבן-גבירול


אֱלֹהִים אֵלִי אַתָּה אֲשַׁחֲרֶךָּ בְּסוֹד סְגֻלָּתֶךָ
אֱמוּנָתְךָ אוֹדִיעַ וְאַגִּיד גְּדֻלָּתֶךָ
בְּקָרְאִי עֲנֵנִי יוֹם אָקוּם בְּקֶרֶב קְהִלָּתֶךָ
ה' שְׂפָתַי תִּפְתָּח וּפִי יַגִּיד תְּהִלָּתֶךָ

אֱלֹהִים אֵלִי אַתָּה נֶגְדְּךָ עֲלוּמַי נֶחֱשָׂפוּ
נַפְשִׁי וְעַצְמוֹתַי מִפַּחְדְּךָ שֻׁסָּפוּ
בְּקָרְאִי עֲנֵנִי יוֹם נְבוּכִים לְיִשְׁעֲךָ נִכְסָפוּ
נְדִיבֵי עַמִּים נֶאֱסָפוּ

אֱלֹהִים אֵלִי אַתָּה יוֹעֵט צְדָקָה לִלְבֹּשׁ
יְרֵאֶיךָ הִרְשׁוּנִי וְאָרוּץ וְאֵין בּוֹשׁ
בְּקָרְאִי עֲנֵנִי יוֹם יוֹקְשִׁי תִּכְבֹּשׁ וְעָצְבִּי תַּחֲבֹשׁ
יְהִי לִבִּי תָמִים בְּחֻקֶּיךָ לְמַעַן לֹא אֵבוֹשׁ

אֱלֹהִים אֵלִי אַתָּה שְׁמֹר שַׂרְעַפַּי לְבַל יַזְנִיחוּנִי
שְׁגִיאוֹת שְׂפָתַי בַּל יַדִּיחוּנִי
בְּקָרְאִי עֲנֵנִי יוֹם שְׁבָחֶיךָ עָצְבִּי יְשַׁכְּחוּנִי
שְׁלַח אוֹרְךָ וַאֲמִתְּךָ הֵמָּה יַנְחוּנִי

אֱלֹהִים אֵלִי אַתָּה לְךָ אֲצַפֶּה צוּר מִשְׂגַּבִּי
לְאַמְּצֵנִי וּלְחַזְקֵנִי כִּי אֵין כֹּחַ בּי
בְּקָרְאִי עֲנֵנִי יוֹם לְבָרֵר וְלִצְרֹף חוֹבִי
לֵב טָהוֹר בְּרָא לִּי אֱלֹהִים וְרוּחַ נָכוֹן חַדֵּשׁ בְּקִרְבִּי

אֱלֹהִים אֵלִי אַתָּה מָרוֹם הַשּׁוֹכְנִי גְבוֹהִים
מִמַּעֲמַקִּים אֶקְרָא נֶגְדְּךָ וְאָהִים
בְּקָרְאִי עֲנֵנִי יוֹם מִלַּלְתִּי בְּסוֹד כְּמֵהִים
מִי יוֹדֵעַ יָשׁוּב וְנִחַם הָאֱלֹהִים

אֱלֹהִים אֵלִי אַתָּה הִנְנִי לְפָנֶיךָ בַּאֲשָׁמִי
הָעֲוֹנוֹת אִם תִּשְׁמָר יָהּ ה' מִי יַעֲמֹד מִי
בְּקָרְאִי עֲנֵנִי יוֹם הַזֶּה אַל תָּבֹא בְמִשְׁפָּט עִמִּי
הֵן בְּעָוֹן חוֹלָלְתִּי וּבְחֵטְא יֶחֱמַתְנִי אִמִּי

אֱלֹהִים אֵלִי אַתָּה הִקְדַּמְתָּ מָזוֹר לְיַשֵּׁרִנִי
הֱכִינֹתָ יוֹם כֹּפֶר רָצוֹן בּוֹ לְעַטְּרֵנִי
בְּקָרְאִי עֲנֵנִי יוֹם הִנָּתֵק עֲבוֹת עָוֹן יַאַסְרֵנִי
הֶרֶב כַּבְּסֵנִי מֵעֲוֹנִי וּמֵחַטָּאתִי טַהֲרֵנִי

אֱלֹהִים אֵלִי אַתָּה קִרְבָתְךָ יֶחְפָּצוּן רַעְיוֹנַי
קְדֹרַנִּית שׁחוֹתִי מִפְּנֵי זְדוֹנָי
בְּקָרְאִי עֲנֵנִי יוֹם קָרָאתָ לְגֶזַע אֱמוּנָי
קְחוּ עִמָּכֶם דְּבָרִים וְשׁוּבוּ אֶל ה'

אֱלֹהִים אֵלִי אַתָּה טִהֲרוּ לְבָבָם לְחוּקֶּיךָ
טַעַם וּמַשְׁקֶה חָשְׂכוּ חֲשׁוּקֶיךָ
בְּקָרְאִי עֲנֵנִי יוֹם טְכוֹס לְעַנּוֹת נֶפֶשׁ דְּבֵקֶיךָ
טוֹב לִי כִי עֻנֵּיתִי לְמַעַן אֶלְמַד חֻקֶּיךָ

אֱלֹהִים אֵלִי אַתָּה נָשָׂאנוּ נֶגְדְּךָ עַפְעַפַּיִם
נִכְחֲךָ נִצַּבְנוּ בִּשְׁחוּת אַפַּיִם
בְּקָרְאִי עֲנֵנִי יוֹם נִבְרַר שַׁקְרוּת סַרְעַפַּיִם
נִשָּׂא לְבָבֵנוּ אֶל כַּפַּיִם אֶל אֵל בַּשָּׁמַיִם

אֱלֹהִים אֵלִי אַתָּה בָּאתִי הַיּוֹם לַהְגּוֹת צִדְקֶךָ
בֵּאַרְתִּי חֻקֶּיךָ בְּקֶרֶב חֶלְקֶךָ
בְּקָרְאִי עֲנֵנִי יוֹם בִּשַּׂרְתִּי צֶדֶק בִּקְהַל דְּבֵקֶיךָ
בָּרוּךְ אַתָּה ה' לַמְּדֵנִי חֻקֶּיךָ

אֱלֹהִים אֵלִי אַתָּה רָם לְכָל שׁוֹאֵל נִדְרָשׁ
רְצֵנִי בְּהִתְעַטְּפִי כְעָנִי וָרָשׁ
בְּקָרְאִי עֲנֵנִי יוֹם רֶגֶשׁ דְּמָעַי נִגְרָשׁ
רָאִיתָה ה' אַל תֶּחֱרָשׁ

אֱלֹהִים אֵלִי אַתָּה בְּצִדְקָתְךָ עֲווֹנִי יִדָּחוּ
בְּמֵימֵי דְמָעַי פְּשָׁעַי יִמָּחוּ
בְּקָרְאִי עֲנֵנִי יוֹם בְּשׂוֹרוֹת יִשְׁעִי יִצְמָחוּ
בַּה' תִּתְהַלֵּל נַפְשִׁי יִשְׁמְעוּ עֲנָוִים וְיִשְׂמָחוּ

אֱלֹהִים אֵלִי אַתָּה יָגֹרְתִּי מְאֹד מֵחֲמַת מִגְעַרְתֶּךָ
יָדַעְתִּי כִּי חֶסֶד וֶאֱמֶת אִמְרָתֶךָ
בְּקָרְאִי עֲנֵנִי יוֹם יָזַמְתִּי לִשְׁמֹר מִשְׁמַרְתֶּךָ
יִמָּלֵא פִי תְּהִלָּתֶךָ כָּל הַיּוֹם תִּפְאַרְתֶּךָ

אֱלֹהִים אֵלִי אַתָּה יְחִידִי יְצוּרָיו יְעִידוּהוּ
יְבָרְכוּהוּ קְרָבַי וַעֲצָמַי יְהוֹדוּהוּ
בְּקָרְאִי עֲנֵנִי יוֹם יָדַעְתִּי יְחִידִים יְיַחֲדוּהוּ
יִרְאֵי ה' הַלְלוּהוּ כָּל זֶרַע יַעֲקֹב כַּבְּדוּהוּ

אֱלֹהִים אֵלִי אַתָּה הֲגוֹת צִדְקְךָ שְׂפָתַי פָּתַחְתִּי
הִנֵּה עִמִּי דְבָרִים לָקַחְתִּי
בְּקָרְאִי עֲנֵנִי יוֹם הִלַּלְתִּיךָ וְכַפַּי שִׁטַּחְתִּי
הַשְׁמִיעֵנִי בַבֹּקֶר חַסְדֶּךָ כִּי בְךָ בָטָחְתִּי

אֱלֹהִים אֵלִי אַתָּה וְעָדֶיךָ יִצְדְּקוּ עֵדֶיךָ
וְיַגִּידוּ כִּי אֶפֶס צוּר בִּלְעָדֶיךָ
בְּקָרְאִי עֲנֵנִי יוֹם וִעַדְתּוֹ לְטַהֵר יְדִידֶיךָ
וַאֲקַוֶּה שִׁמְךָ כִּי טוֹב נֶגֶד חֲסִידֶיךָ

אֱלֹהִים אֵלִי אַתָּה דָּרַשְׁתִּי קִרְבָתְךָ הַקְרִיבֵנִי
דְּלָתֶיךָ בְדָפְקִי חַסְדְּךָ יְסוֹבְבֵנִי
בְּקָרְאִי עֲנֵנִי יוֹם דַּלוֹתִי יֶשְׁעֲךָ יְשַׂגְּבֵנִי
דַּלּוּ עֵינַי לַמָּרוֹם ה' עָשְׁקָה לִּי עָרְבֵנִי

אֱלֹהִים אֵלִי אַתָּה הַנּוֹצֵר נֶפֶשׁ וּפֹועֲלָהּ
הַיּוֹדֵעַ וָעֵד מַעֲלָלָהּ וּמַעְגָּלָהּ
בְּקָרְאִי עֲנֵנִי יוֹם הִתְוַדּוֹת נַפְשִׁי מַעֲלָהּ
הֵן ה' יָדַעְתָּ כֻלָּה

אֱלֹהִים אֵלִי אַתָּה אֵלִי וְצוּר יְשׁוּעָתִי
אֵלֶיךָ קָרָאתִי מִבּוֹר כִּנְעָתִי
בְּקָרְאִי עֲנֵנִי יוֹם אֶשְׁפֹּךְ לְפָנֶיךָ לְבָבִי וְדִמְעָתִי
אַל תַּעְלֵם אָזְנְךָ לְרַוְחָתִי לְשַׁוְעָתִי

אֱלֹהִים אֵלִי אַתָּה בּוֹחֵן לְבָבִי וְרַעְיוֹנָי
בָּנְתָּה לְרֵעִי מִמְּרוֹם עֶלְיוֹנִי
בְּקָרְאִי עֲנֵנִי יוֹם בָּרוֹתִי חֲבוּיַת מַצְפּוּנָי
בְיָדְךָ אַפְקִיד רוּחִי פָּדִיתָה אוֹתִי ה'

אֱלֹהִים אֵלִי אַתָּה נִסְמַכְתִּי עָלֶיךָ עוֹדְדֵנִי
נִסְתַּרְתִּי בְצִלְּךָ הָגֵן בַּעֲדֵנִי
בְּקָרְאִי עֲנֵנִי יוֹם נִבְהָל זְכַרְתִּיךָ זָכְרֵנִי וּפָקְדֵנִי
נִדְבוֹת פִּי רְצֵה נָא ה' וּמִשְׁפָּטֶיךָ לַמְּדֵנִי

אֱלֹהִים אֵלִי אַתָּה גְּדוּדֶיךָ בַעֲצֶרֶת יֵשֵׁבוּ
גּוֹעִים כַּצֹּאן הַיּוֹם יִקָּשֵׁבוּ
בְּקָרְאִי עֲנֵנִי יוֹם גְּאוּלֶיךָ נְקִיִּים יֵחָשֵׁבוּ
גָּלְמִי רָאוּ עֵינֶיךָ וְעַל סִפְרְךָ כֻּלָּם יִכָּתֵבוּ

אֱלֹהִים אֵלִי אַתָּה בְּשָׁפְכִי שִׂיחִי עָלֶיךָ יֶעֱרָב
בְּעָרְכִי רִנָּתִי לְפָנֶיךָ תִקְרָב
בְּקָרְאִי עֲנֵנִי יוֹם בִּעַרְתִּי שְׁרִירוּת לֵב סֵרַב
בִּשַּׂרְתִּי צֶדֶק בְּקָהָל רָב

אֱלֹהִים אֵלִי אַתָּה יוֹדֵעַ מִסְתְּרֵי מְלִיצוּת
יְגוֹנִי הָסֵר וְהָמֵר בַּעֲלִיצוּת
בְּקָרְאִי עֲנֵנִי יוֹם יָגֹרְתִּי פְקֻדַּת הַלַּצוּת
יִרְאָה וָרַעַד יָבוֹא בִי וַתְּכַסֵּנִי פַּלָּצוּת

אֱלֹהִים אֵלִי אַתָּה רְפָא מְשׁוּבַת לֵב עָקֹב
רְאֵה עֶצֶם עָשֵׁש וְגַם נִרְקַב רָקוֹב
בְּקָרְאִי עֲנֵנִי יוֹם רַחַשׁ מְלִיצַי תִּקֹּב
רָצִיתָ ה' אַרְצֶךָ שַׁבְתָּ שְׁבוּת יַעֲקֹב

אֱלֹהִים אֵלִי אַתָּה וְעָלֶיךָ גַּלּוֹתִי אֳרָחָי
וְאֶעֱרֹךְ מַלְקוֹחַי תְּמוּרַת מֶרְקָחָי
בְּקָרְאִי עֲנֵנִי יוֹם וְאָבִיא שְׁבָחַי תַּחַת זְבָחָי
וְאַל תָּבוֹא בְמִשְׁפָּט אֶת עַבְדֶּךָ כִּי לֹא יִצְדַּק לְפָנֶיךָ כָל חָי

אֱלֹהִים אֵלִי אַתָּה לְבַשׁ הַיּוֹם צֶדֶק מַעֲטֶךָ
לִרְעוֹת שְׁאֵרִית שְׁבָטֶיךָ בְּשִׁבְטֶךָ
בְּקָרְאִי עֲנֵנִי יוֹם לְהַפְגִּיעָם צִדְקְךָ וְקָשְׁטֶךָ
לְמַעַן תִּצְדַּק בְּדָבְרֶךָ תִּזְכֶּה בְשָׁפְטֶךָ

אֱלֹהִים אֵלִי אַתָּה חַנּוּן הַנֶּעֱרָץ בְּסוֹד שַׂרְפֵי מְעוֹנָי
זָכְרֵנִי וּפָקְדֵנִי לְטוֹבָה בְּהִתְחַנְּנִי בְהֶגְיוֹנָי
בְּקָרְאִי עֲנֵנִי יוֹם קְרוֹא אֶקְרָא בְּמִקְהֲלוֹת אֱמוּנָי
נִשְׁמַת כָּל חַי תְּבָרֵךְ אֶת שִׁמְךָ ה'


פרטים נוספים

חומרים נוספים קשורים