אש תוקד בקרבי / ר' אברהם אבן עזרא

אֵשׁ תּוּקַד בְּקִרְבִּי בְּהַעֲלוֹתִי עַל לְבָבִי צֵאתִי מִמִּצְרָיִם
וְקִינוֹת אָעִירָה לְמַעַן אַזְכִּירָה צֵאתִי מִירוּשָׁלָיִם

אָז יָשִׁיר משֶׁה שִׁיר לֹא יִנָּשֶׁה בְּצֵאתִי מִמִּצְרָיִם
וִיקוֹנֵן יִרְמְיָה וְנָהָה נְהִי נִהְיָה בְּצֵאתִי מִירוּשָׁלָיִם

בֵּיתִי הִתְכּוֹנַן וְשָׁכַן הֶעָנָן בְּצֵאתִי מִמִּצְרָיִם
וַחֲמַת אֵל שָׁכְנָה עָלַי כַּעֲנָנָה בְּצֵאתִי מִירוּשָׁלָיִם

גַּלֵּי יָם הָמוּ וְכַחוֹמָה קָמוּ בְּצֵאתִי מִמִּצְרָיִם
זְדוֹנִים שָׁטָפוּ וְעַל רֹאשִׁי צָפוּ בְּצֵאתִי מִירוּשָׁלָיִם

דָּגָן מִשָּׁמַיִם וְצוּר יָזוּב מַיִם בְּצֵאתִי מִמִּצְרָיִם
לַעֲנָה וְתַמְרוּרִים וּמַיִם הַמָּרִים בְּצֵאתִי מִירוּשָׁלָיִם

הַשְׁכֵּם וְהַעֲרֵב סְבִיבוֹת הַר חוֹרֵב בְּצֵאתִי מִמִּצְרָיִם
קָרוּא אֱלֵי אֵבֶל עַל נַהֲרוֹת בָּבֶל בְּצֵאתִי מִירוּשָׁלָיִם

וּמַרְאֶה כְּבוֹד יְיָ כְּאֵשׁ אוֹכֶלֶת לְפָנַי בְּצֵאתִי מִמִּצְרָיִם
וְחֶרֶב לְטוּשָׁה לַטֶּבַח נְטוּשָׁה בְּצֵאתִי מִירוּשָׁלָיִם

זֶבַח וּמִנְחָה וְשֶׁמֶן הַמִּשְׁחָה בְּצֵאתִי מִמִּצְרָיִם
סְגֻלַּת אֵל לְקוּחָה כַּצּאֹן לַטִּבְחָה בְּצֵאתִי מִירוּשָׁלָיִם

חַגִּים וְשַׁבָּתוֹת וּמוֹפְתִים וְאוֹתוֹת בְּצֵאתִי מִמִּצְרָיִם
תַּעֲנִית וָאֵבֶל וּרְדֹף הַהֶבֶל בְּצֵאתִי מִירוּשָׁלָיִם

טוֹבוּ אֹהָלִים לְאַרְבַּע הַדְּגָלִים בְּצֵאתִי מִמִּצְרָיִם
אָהֳלֵי יִשְׁמְעֵאלִים וּמַחֲנוֹת עֲרֵלִים בְּצֵאתִי מִירוּשָׁלָיִם

יוֹבֵל וּשְׁמִטָּה וְאֶרֶץ שׁוֹקֵטָה בְּצֵאתִי מִמִּצְרָיִם
מָכוּר לִצְמִיתוּת וְכָתוּב לִכְרִיתוּת בְּצֵאתִי מִירוּשָׁלָיִם

כַּפֹּרֶת וְאָרוֹן וְאַבְנֵי זִכָּרוֹן בְּצֵאתִי מִמִּצְרָיִם
וְאַבְנֵי הַקֶּלַע וּכְלֵי הַבֶּלַע בְּצֵאתִי מִירוּשָׁלָיִם

לְוִיִּים וְאַהֲרֹנִים וְשִׁבְעִים זְקֵנִים בְּצֵאתִי מִמִּצְרָיִם
נוֹגְשִׂים וּמוֹנִים מוֹכְרִים וְקוֹנִים בְּצֵאתִי מִירוּשָׁלָיִם

מֹשֶׁה יִרְעֵנִי וְאַהֲרֹן יַנְחֵנִי בְּצֵאתִי מִמִּצְרָיִם
וּנְבוּכַדְנֶצַּר הָרַע וְטִיטוּס הָרָשָׁע בְּצֵאתִי מִירוּשָׁלָיִם

נַעֲרֹךְ מִלְחָמָה וַייָ שָׁמָּה בְּצֵאתִי מִמִּצְרָיִם
רָחַק מִמֶּנּוּ וְהִנֵּה אֵינֶנּוּ בְּצֵאתִי מִירוּשָׁלָיִם

סִתְרֵי פָרֹכֶת וְסִדְרֵי מַעֲרָכֶת בְּצֵאתִי מִמִּצְרָיִם
חֵמָה נִתֶּכֶת עָלַי סוֹבֶכֶת בְּצֵאתִי מִירוּשָׁלָיִם

עוֹלוֹת וּזְבָחִים וְאִשֵּׁי נִיחוֹחִים בְּצֵאתִי מִמִּצְרָיִם
בַּחֶרֶב מְדֻקָּרִים בְּנֵי צִיּוֹן הַיְקָרִים בְּצֵאתִי מִירוּשָׁלָיִם

פַּאֲרֵי מִגְבָּעוֹת לְכָבוֹד נִקְבָּעוֹת בְּצֵאתִי מִמִּצְרָיִם
שְׁרִיקוֹת וּתְרוּעוֹת לְקָלוֹן וּזְוָעוֹת בְּצֵאתִי מִירוּשָׁלָיִם

צִיצַת הַזָּהָב וְהַמְשַׁל וָרַהַב בְּצֵאתִי מִמִּצְרָיִם
אָפֵס הָעֵזֶר וְהֻשְׁלַךְ הַנֵּזֶר בְּצֵאתִי מִירוּשָׁלָיִם

קְדֻשָּׁה וּנְבוּאָה וּשְׁכִינָה נוֹרָאָה בְּצֵאתִי מִמִּצְרָיִם
נִגְאָלָה וּמוֹרְאָה וְדָוָה וּטְמֵאָה בְּצֵאתִי מִירוּשָׁלָיִם

רִנָּה וִישׁוּעָה וַחֲצוֹצְרוֹת תְּרוּעָה בְּצֵאתִי מִמִּצְרָיִם
וְזַעֲקַת עוֹלָל עִם נַאֲקַת חָלָל בְּצֵאתִי מִירוּשָׁלָיִם

שֻׁלְחָן וּמְנוֹרָה וְכָלִיל וּקְטוֹרָה בְּצֵאתִי מִמִּצְרָיִם
וֶאֱלִיל וְתוֹעֵבָה וּפֶסֶל וּמַצֵּבָה בְּצֵאתִי מִירוּשָׁלָיִם

תּוֹרָה וּתְעוּדָה וְסֵדֶר הָעֲבוֹדָה בְּצֵאתִי מִמִּצְרָיִם
וְחֶסְרוֹן הַתַּלְמִיד וּבִטוּל הַתָּמִיד בְּצֵאתִי מִירוּשָׁלָיִם

אֵל אֱלוֹהֵי הַצְּבָאוֹת יַרְאֵנוּ נִפְלָאוֹת בְּצֵאתִי מִמִּצְרָיִם
וְיָשִׁיב שְׁכִינָתוֹ אֶל צִיּוֹן וַעֲבוֹדָתוֹ לְתוֹךְ יְרוּשָׁלָיִם

על פי המסורת האשכנזית בית זה מחליף את שני הבתים הקודמים:

תּוֹרָה וּתְעוּדָה וּכְלֵי הַחֶמְדָה בְּצֵאתִי מִמִּצְרַיִם
קוֹל שָׂשׂוֹן וְשִׂמְחָה וְנָס יָגוֹן וַאֲנָחָה בְּשׁוּבִי לִירוּשָׁלַיִם


אש תוקד בקרבי

אש תוקד בקרבי / ר' אברהם אבן עזרא

אֵשׁ תּוּקַד בְּקִרְבִּי בְּהַעֲלוֹתִי עַל לְבָבִי צֵאתִי מִמִּצְרָיִם
וְקִינוֹת אָעִירָה לְמַעַן אַזְכִּירָה צֵאתִי מִירוּשָׁלָיִם

אָז יָשִׁיר משֶׁה שִׁיר לֹא יִנָּשֶׁה בְּצֵאתִי מִמִּצְרָיִם
וִיקוֹנֵן יִרְמְיָה וְנָהָה נְהִי נִהְיָה בְּצֵאתִי מִירוּשָׁלָיִם

בֵּיתִי הִתְכּוֹנַן וְשָׁכַן הֶעָנָן בְּצֵאתִי מִמִּצְרָיִם
וַחֲמַת אֵל שָׁכְנָה עָלַי כַּעֲנָנָה בְּצֵאתִי מִירוּשָׁלָיִם

גַּלֵּי יָם הָמוּ וְכַחוֹמָה קָמוּ בְּצֵאתִי מִמִּצְרָיִם
זְדוֹנִים שָׁטָפוּ וְעַל רֹאשִׁי צָפוּ בְּצֵאתִי מִירוּשָׁלָיִם

דָּגָן מִשָּׁמַיִם וְצוּר יָזוּב מַיִם בְּצֵאתִי מִמִּצְרָיִם
לַעֲנָה וְתַמְרוּרִים וּמַיִם הַמָּרִים בְּצֵאתִי מִירוּשָׁלָיִם

הַשְׁכֵּם וְהַעֲרֵב סְבִיבוֹת הַר חוֹרֵב בְּצֵאתִי מִמִּצְרָיִם
קָרוּא אֱלֵי אֵבֶל עַל נַהֲרוֹת בָּבֶל בְּצֵאתִי מִירוּשָׁלָיִם

וּמַרְאֶה כְּבוֹד יְיָ כְּאֵשׁ אוֹכֶלֶת לְפָנַי בְּצֵאתִי מִמִּצְרָיִם
וְחֶרֶב לְטוּשָׁה לַטֶּבַח נְטוּשָׁה בְּצֵאתִי מִירוּשָׁלָיִם

זֶבַח וּמִנְחָה וְשֶׁמֶן הַמִּשְׁחָה בְּצֵאתִי מִמִּצְרָיִם
סְגֻלַּת אֵל לְקוּחָה כַּצּאֹן לַטִּבְחָה בְּצֵאתִי מִירוּשָׁלָיִם

חַגִּים וְשַׁבָּתוֹת וּמוֹפְתִים וְאוֹתוֹת בְּצֵאתִי מִמִּצְרָיִם
תַּעֲנִית וָאֵבֶל וּרְדֹף הַהֶבֶל בְּצֵאתִי מִירוּשָׁלָיִם

טוֹבוּ אֹהָלִים לְאַרְבַּע הַדְּגָלִים בְּצֵאתִי מִמִּצְרָיִם
אָהֳלֵי יִשְׁמְעֵאלִים וּמַחֲנוֹת עֲרֵלִים בְּצֵאתִי מִירוּשָׁלָיִם

יוֹבֵל וּשְׁמִטָּה וְאֶרֶץ שׁוֹקֵטָה בְּצֵאתִי מִמִּצְרָיִם
מָכוּר לִצְמִיתוּת וְכָתוּב לִכְרִיתוּת בְּצֵאתִי מִירוּשָׁלָיִם

כַּפֹּרֶת וְאָרוֹן וְאַבְנֵי זִכָּרוֹן בְּצֵאתִי מִמִּצְרָיִם
וְאַבְנֵי הַקֶּלַע וּכְלֵי הַבֶּלַע בְּצֵאתִי מִירוּשָׁלָיִם

לְוִיִּים וְאַהֲרֹנִים וְשִׁבְעִים זְקֵנִים בְּצֵאתִי מִמִּצְרָיִם
נוֹגְשִׂים וּמוֹנִים מוֹכְרִים וְקוֹנִים בְּצֵאתִי מִירוּשָׁלָיִם

מֹשֶׁה יִרְעֵנִי וְאַהֲרֹן יַנְחֵנִי בְּצֵאתִי מִמִּצְרָיִם
וּנְבוּכַדְנֶצַּר הָרַע וְטִיטוּס הָרָשָׁע בְּצֵאתִי מִירוּשָׁלָיִם

נַעֲרֹךְ מִלְחָמָה וַייָ שָׁמָּה בְּצֵאתִי מִמִּצְרָיִם
רָחַק מִמֶּנּוּ וְהִנֵּה אֵינֶנּוּ בְּצֵאתִי מִירוּשָׁלָיִם

סִתְרֵי פָרֹכֶת וְסִדְרֵי מַעֲרָכֶת בְּצֵאתִי מִמִּצְרָיִם
חֵמָה נִתֶּכֶת עָלַי סוֹבֶכֶת בְּצֵאתִי מִירוּשָׁלָיִם

עוֹלוֹת וּזְבָחִים וְאִשֵּׁי נִיחוֹחִים בְּצֵאתִי מִמִּצְרָיִם
בַּחֶרֶב מְדֻקָּרִים בְּנֵי צִיּוֹן הַיְקָרִים בְּצֵאתִי מִירוּשָׁלָיִם

פַּאֲרֵי מִגְבָּעוֹת לְכָבוֹד נִקְבָּעוֹת בְּצֵאתִי מִמִּצְרָיִם
שְׁרִיקוֹת וּתְרוּעוֹת לְקָלוֹן וּזְוָעוֹת בְּצֵאתִי מִירוּשָׁלָיִם

צִיצַת הַזָּהָב וְהַמְשַׁל וָרַהַב בְּצֵאתִי מִמִּצְרָיִם
אָפֵס הָעֵזֶר וְהֻשְׁלַךְ הַנֵּזֶר בְּצֵאתִי מִירוּשָׁלָיִם

קְדֻשָּׁה וּנְבוּאָה וּשְׁכִינָה נוֹרָאָה בְּצֵאתִי מִמִּצְרָיִם
נִגְאָלָה וּמוֹרְאָה וְדָוָה וּטְמֵאָה בְּצֵאתִי מִירוּשָׁלָיִם

רִנָּה וִישׁוּעָה וַחֲצוֹצְרוֹת תְּרוּעָה בְּצֵאתִי מִמִּצְרָיִם
וְזַעֲקַת עוֹלָל עִם נַאֲקַת חָלָל בְּצֵאתִי מִירוּשָׁלָיִם

שֻׁלְחָן וּמְנוֹרָה וְכָלִיל וּקְטוֹרָה בְּצֵאתִי מִמִּצְרָיִם
וֶאֱלִיל וְתוֹעֵבָה וּפֶסֶל וּמַצֵּבָה בְּצֵאתִי מִירוּשָׁלָיִם

תּוֹרָה וּתְעוּדָה וְסֵדֶר הָעֲבוֹדָה בְּצֵאתִי מִמִּצְרָיִם
וְחֶסְרוֹן הַתַּלְמִיד וּבִטוּל הַתָּמִיד בְּצֵאתִי מִירוּשָׁלָיִם

אֵל אֱלוֹהֵי הַצְּבָאוֹת יַרְאֵנוּ נִפְלָאוֹת בְּצֵאתִי מִמִּצְרָיִם
וְיָשִׁיב שְׁכִינָתוֹ אֶל צִיּוֹן וַעֲבוֹדָתוֹ לְתוֹךְ יְרוּשָׁלָיִם

על פי המסורת האשכנזית בית זה מחליף את שני הבתים הקודמים:

תּוֹרָה וּתְעוּדָה וּכְלֵי הַחֶמְדָה בְּצֵאתִי מִמִּצְרַיִם
קוֹל שָׂשׂוֹן וְשִׂמְחָה וְנָס יָגוֹן וַאֲנָחָה בְּשׁוּבִי לִירוּשָׁלַיִם

פרטים נוספים

חומרים נוספים קשורים